IV. Ragam Pantun Wayahini
Di dalam masyarakat sekarang
ini terutama di kaula muda Tanah Banjar, pantun mendapat perkembangan berupa Pantun Modern, bahasa Banjarnya Pantun
Wayahini.
Terkadang bahasanya terpengaruh bahasa gaul.
Ambil lading
gasan mangupas kanas
Mun kada mayu balah tiwadak
Ading nang manis bawajah bungas
Meulah abang I Love you mendadak
Asam pauh delima pauh
Putik sirih gasan manginang
Ulun jauh pian pun jauh
Batalipunan ja kita barang
Anak ayam turun 10
Mati saikung tinggal 9
Biar haja kita sama pada jauh.
Asal kita batatalipunan
Buah kurma
Buah bawang
Imak disana
Auk mahadang
Asam pauh delima
pauh.
Di kabun malambak waluh.
Mun pian jauh ulun jauh.
Jangan pian basalingkuh.
Gayung tumbus capat dìtambal.
Jangan dibuang ka dalam sungai
Amun ading bisa manyambal.
Ayu ja kubadatang sayangai
Amang Amat makan
tiwadak_
Sabijinya gugur ka bawah_
Mun bujur dingai pian handak_
Kada usah supan yu ja bapadah
Nasi goreng nasi
kabuli
Iwaknya iwak papuyu
Jangan kita talalu gengsi
Kaina lambat payu..
Nyiur anum banyunya
nyaman
Dituangi sirup maginnya nyaman
Kada masalah balu atau
parawan
Nang utama sidin baisi iman
Eloknya si bunga tanjung
Mekar di dalam taman
Eloknya budi bauntung
Pahlawan dalam kenangan
Serumpun Tanah Melayu
Pulau Pandan Angsana dua
Ikat simpul kita basatu
Nagri Banjar tanah pusaka
Tarabang burung si burung nuri
Tarabang malayang ka atas awan
Jabat tangan silatuurahmi
Kenangkan ingat lupakan jangan
Sungguh indah kambang cempaka
Dirangkai dalam jambangan
Sungguh indah budi bahasa
Tulisakan kesan untuk kenangan
Labat-labatnya sarumpun sarai
Harum kambangnya kada sakira
Adat pusaka kada dipakai
Rupa bungas apa gunanya
Ruas-ruas si batang buluh
Susunakan hagan titian
Bungas-bungas diang wan galuh
Siapa jua ampun pinangan
Tanam kambang dalam jambangan
Malarak kambangnya manawan hati
Anak babangsa contoh tauladan
Menuntut ilmu mambangun nagri
Lamun mandi banyu di sumur
Jangan lupakan bawa timbanya
Lastariakan adat laluhur
Bailmu tinggi sungguh baguna
Lambaran kartas jangan dicarik
Lipatakan balah katupat
Banyak urang pintar wan cardik
Tapi kada bamoral kada baadat
Duduk di kursi marangkai janji
Janji dirangkai tipu muslihat
Pamarintah nang lupa diri
Hidup rakyatnya jadi malarat
Banyak urang manjual rupa
Manis di bibir penderan licin
Pilihlah urang nang bijaksana
Urang nang patut jadi pamimpin
Jalannya manjadi lurus
Amun kapal ada nakhoda
Nagri manjadi bagus
Amun pamimpin bujur ahlinya
Samudra luas banyunya biru
Jauh balayar ka nagri cina
Kita bajuang bahu mambahu
Hagan mambangun nagri tarcinta
Rumah Banjar batawing papan
Lawangnya bapalang watun
Assalamulaikum kami ucapkan
Handak bamula
marangkai pantun
Anak punai maurak
alar
Bajalan
bajingkit-jingkit
Umai-umai pangéntén
Banjar
Basésérétan
tangan bakait
Maracik pandan
wan pudak
Lalu dihambur
kapatataian
Urang malihat
badaraw surak
Pangénténnya
kasisipuan
Burung bilatuk
duduk baréndéng
Baréndéng di kayu
jati
Pangénténnya
duduk basanding
Rupa bungas baik
budi
Makan mangga buah
kesturi
Maméncok asam balahan
Baik-baik mambawa diri
Hidup baiman mati baiman
Setanggi bunga kenanga
Harum baunya di tanah Banjar
Barupa bungas apalah artinya
Adat pusaka mun
dilanggar
Baunya harum
kambang melati
Kambang bogam
kambang untaian
Sembah sujud
sapuluh jari
Doa restu ulun
harapkan
Ayu ja Ding
lakasi luruh kalambu
Imbahitu
bujurakan buncu-buncunya
Apik-apik Dinglah mamacul baju
( ai napa garang
Ka. Badidiam ja Dingai )
Kéna supan
katahuan abah wan uma
Daun si daun
dadap
Gugusnya ka atas
watun
Ada salah ampun
maap
Sampai disini
untaian pantun
Tidak ada komentar:
Posting Komentar